Enn hrynja króna og hlutabréf

Evran er alveg við 100 kall og hefur aldrei verið hærri gagnvart krónunni.

Eftir að Kaupþing tilkynnti að vaxtalækkunarferli seðlabankans væri að fara í gang hefur hert á hruni krónunnar og gengisvísitalan nálgast nú ört toppinn frá því um vorið 2006 (135). Eftir að hann hefur verið tekinn út er næsta stopp væntanlega í kringum 150 (toppurinn frá 2001).

Hlutabréfin ættu að hafa verulegt support í kringum 4000 (mikilvægur botn frá árinu 2004).

Þetta virðist hvorttveggja vera aðeins spurning um tíma. Hvort um vikur eða mánuði er að ræða verður að koma í ljós.

Athugasemdir

[Baldur Fjölnisson, 11.2.2008 kl. 11:36]

Afsakið, 4000 var mikilvægur toppur en ekki botn árið 2004.

Varðandi hlutabréfin þá held ég að eitt stærsta vandamál flestra félaganna sé ótrúlega massíf ofútgáfa hluta. Megnið af þessu er í raun pennístokkar. Þú færð núna 9 hluti í Exista fyrir eina evru, 6 í Glitni, 3-4 í Landsb., 20 í SPRON, 8 í Straumi - svo nokkur dæmi séu nefnd. Verð hvers hlutar er með öðrum orðum frekar nálægt núllinu, sem aldrei er sérlega traustvekjandi.

Megnið af félögum í Kauphöllinni þarf að afskrifa mest af þessu verðlausa hlutafé. Við getum litið á það sem eins konar neikvæð jöfnunarbréf. Ég mæli með amk. 98% "reverse split" fyrir félögin sem ég nefndi enda þola þau augljóslega ekki frekari þynningu hlutafjárins þetta er þegar það nálægt núllinu.