Líklega eru einhverjir umsvifamiklir fjármálamenn við að rúlla á hausinn

Davíð Oddsson var um daginn að skæla yfir vandræðum þeirra sem hefðu tekið lán (þegar íslenski hlutabréfamarkaðurinn var sá langmest yfirkeypti í heiminum) og síðan dekkuðu spekúlasjónir þeirra ekki lánin. Það segir mér að einhverjir strumpar í eða við flokkseigendafélag íhaldsins séu afar illa staddir með einhver vonlaus dæmi. Maður nefnir nú engin nöfn, menn verða bara að finna út úr þessu sjálfir ef þeir vilja. Annars finnst mér líklegt að eitthvað af þessum furðulegu fjármálafyrirtækjum á markaðnum gufi upp á næstu mánuðum, jafnvel einn bankanna. 

Mikil lækkun á hlutabréfaverði

Athugasemdir

[DoctorE (IP-tala skráð) 7.1.2008 kl. 18:03]

Ég held að þú hafir 100% rétt fyrir þér, hvaða banka ertu einna helst að spá í?

[Jón Steinar Ragnarsson, 7.1.2008 kl. 18:07]

Ég veit allavega um einn nokkuð umsvifamikinn jetsettara sem er oltinn og á ekki bót fyrir boruna á sér.  Flaug um í prívatþotum fyrir ári.  What goes up must come down.

[Baldur Fjölnisson, 7.1.2008 kl. 19:07]

Flest þessarra fjármálafyrirtækja (að Kaupþingi undanskildu) þurfa að afskrifa megnið af hlutafénu (reverse split). Það er vegna þess að hver hlutur kostar um það bil ekki neitt, brot úr evru, zilch, nada, nichts. Það þýðir aftur að þessi fyrirtæki eiga erfitt um vik að afla sér fjármagns með frekari útgáfu hluta. Því nær núllinu sem þessir pennístokkar fara því líklegra er að þeir gufi á endanum upp. Þess vegna þurfa þessi fyrirtæki að stóla á lánveitingar frá öðrum fjármálafyrirtækjum og bönkum en núna hefur tiltrú og trúnaður verið að bresta á þeim vettvangi enda sitja margir uppi með risavaxin potrfólío af handónýtum inneignum. Afskriftir erlendis hafa verið tröllvaxnar og seðlabankar orðið að dæla hroðalegum fjárhæðum í markaði til að halda lífi í fallít dæmum. Lækningin á afleiðingum offramleiðslu peninga (skulda) á fáránlega lágum gervivöxtum sem ekkert tillit tóku til áhættu hefur sem sagt verið meira af því sama ! Svona álíka og að reyna að míga í skóinn til að bjarga sér frá kali. En what goes around comes around. Lánveitingar eru bara tímabundin framvísun á kaupmætti, þú öðlast hann þegar þú tekur lánið og missir hann svo aftur þegar þú greiðir það. Banki sem þarf að afskrifa ónýt útlán missir síðan þann kaupmátt sinn endanlega. Þurfi hérlendir bankar að afskrifa hundruði milljarða króna verður ekki mikið eftir af eigin fé þeirra og hver á þá að skaffa þeim það? Ekki hafa ríkissjóður og seðlabanki (dvergar í samanburði við umsvif bankanna) bolmagn til þess. Þessum fyrirtækjum er skylt að hafa ákveðið lágmarks eiginfjárhlutfall.

[gfs (IP-tala skráð) 7.1.2008 kl. 22:27]

Mér hugnast sem svo að lífeyrissjóðirnir hafi misst þolinmæðina og jafnvel panikkað og séu að breyta í eignasöfnum sínum.  10% lækkun  á seinustu 3 virku dögunum er náttla bara óðagot eða panik ástand, þá sérstaklega fjármálafyrirtækin, ég skil svosem að menn séu hræddir við þau miðað við hvernig þau hafa hagað sér varðandi skuldsettar yfirtökur og annað, því maður veitt ekkert hvernig þessi krísa í bandaríkjunum fer með okkar litu sætu banka.... svo það er bara best að SELJA..............

[Sveinn hinn Ungi (IP-tala skráð) 7.1.2008 kl. 23:43]

Þessi markaður er ekkert eðlilegur og hefur aldrei verið. Nú hafa bankarnir lokað fyrir lán til hlutabréfakaupa. Þannig framkalla þeir lækkun. Líklega vilja þeir keyra verðið niður núna, til að kaupa sjálfir síðar.

Jafet skilur ekkert í lækkunum núna en hafði alltaf skýringar á takteinum þegar markaðurinn hækkaði. Ég held að mun auðveldara sé að skilja þetta núna heldur en þessar geggjuðu hækkanir sem hafa verið í 5-6 ár.

[Baldur Fjölnisson, 8.1.2008 kl. 00:20]

Þessir hræðilegu fjármálamógúlar hafa nú þrátt fyrir allt pumpað markaðinn upp um eitthvað 350% á fimm árum og það jafnvel eftir fallið síðan í sumar þannig að margir stórir langtímafjárfestar eru með gríðarlegan pappírshagnað og jafnframt mikla hagsmuni við að reyna að varðveita hann. Nú erum við að horfa á raunveruleg völd. Banki mun gufa upp en þó ekki því það gengur ekki vegna hagsmuna mjög stórra hluthafa.

Markaðir fara alltaf sínar eigin leiðir. Þeir geta í rauninni leyft sér hvað sem er þar sem þeir munu [líklegast] lifa alla mannlega þáttakendur sína. Þeir taka sínum leiðréttingum, jafna út yfirkaup og yfirsölu og hreinsa af sér spekúlanta. Þetta er bara spurning um tímasetningu. Það þýðir ekkert fyrir Dabba að skæla um áramótin 2006/07 yfir einhverjum vonlausum spekúlasjónum flokkseigendafélags íhaldsins sumarið 2007. Hann hefur sjálfur viðurkennt að hann hafi enga burði í stöðuna (sjúkravistunina) sem hann gegnir. Tilgangur hans (eða öllu heldur þeirra sem stjórna honum) hefur því verið að grafa undan trúverðugleika fjármálakerfisins. Orsök - afleiðing. Þetta þarf greinilega að rannsaka.

[Baldur Fjölnisson, 8.1.2008 kl. 00:49]

Sveinn, við getum ekki krafist þess af markaði að hann sé alltaf "eðlilegur" eða "rökréttur" eða "spegli alltaf *rétta* mynd af því sem hann verslar með". Hlutverk hans er einfaldlega að reyna að vera framvirkur vísir. Hann samanstendur af fólki og þess aðgerðum og væntingum og áróðri og hæpi og jafnvel afneitun sem það verður fyrir. Fólk er breyskt og glámskyggt auk þess að vera bráðsnjallt á köflum og þetta kemur ávallt fram á mörkuðum. Við þurfum að hugsa þetta fyrst og fremst í mjög löngum bylgjum. Meiriháttar kreppur ættu að skella yfir á þetta 75 ára fresti skv. kenningum Kondratieffs. Þá eru svo til allir dauðir og grafnir sem geta lýst síðustu megakreppu og orsökum hennar og varað við. Fyrirboði þessarrar kreppu birtist fyrst í hruninu árið 1987 en gríðarleg tölvu- og tækni- og framleiðnibylting hefur samt frestað henni. Og svo lifir fólk lengur áður sem færir eitthvað fram bylgjureikninga Kondratieffs.

En úr því að ég er að ræða þetta á árinu 2007 þá geturðu bókað að think tankar í BNA voru með það til umfjöllunar fyrir 20-30 árum og leiðir til að fresta efnahagshruninu eða draga athyglina frá því eð kenna einhverjum öðrum um það. Hver er hin klassíska leið? Jú stríð. Hvernig er hægt að ljúga það af stað? Með barnalegum hollywoodsjóum sem bæði stjórnmálamenn og ruslpóstur vesturlanda kóa með?

[Sveinn hinn Ungi (IP-tala skráð) 8.1.2008 kl. 19:23]

Það er rétt, markaðir eru aldrei alveg eðlilegir, en ég hef grun um að þeim Íslenska sé að miklu leiti handstýrt.

Stjórnendur eru oft furðu brattir í yfirlýsingum um hlutabréfaverð, eins og var í tilfelli FL-group í vor, þá var Hannes að kjafta upp verðin og tilkynnti m.a. um að hann væri að kaupa. Nú er Guðmundur hjá SPRON kominn í þetta hlutverk, en hvort tala þessir menn sem stjórnarmenn eða hluthafar? Þætti ekki óeðlilegt ef þeir væru að tjá sig um að hlutabréfaverð væri of hátt? Alveg jafn óeðlilegt er að þeir tjái sig um lágt hlutabréfaverð.

Hættan er síðan sú að þetta smiti út frá sér yfir í húsnæðis- og síðar vinnumarkaðinn.

[Baldur Fjölnisson, 8.1.2008 kl. 21:20]

Þar sem hefðbundið og niðurmúrað fyrirkomulag í viðskiptum hér á landi er jú samráð á fákeppnismarkaði er sjálfsagt líklegt að sama fyrirkomulag sé á hlutabréfamarkaðnum. Ég tala nú ekki um húsnæðismarkaðinn. Hér bíða orðið heilu hverfin "á lager" eftir að vera "skammtað" í sölu - eins og hver maður sér. 

Til að vernda hagsmuni almennings legg ég til að hér verði komið á stofn svok. fjármálaeftirliti, stofnun sem hafi virkt og raunverulegt eftirlit með mörkuðum og geti jafnvel stöðvað starfsemi aðila sem hringla með markaði á óeðlilegan hátt. Eins og ég sagði þá hefur fákeppni lengi verið einkenni viðskiptalífsins hér og það er fyrst og fremst vegna þess að hér hefur vantað löggæslu á markaði. 

[Baldur Fjölnisson, 8.1.2008 kl. 22:10]

Til að skýra þessa hugsun nánar vil ég benda á að fasisminn er sannkallaður fyrirtækjaismi (eins og Mussolini lýsti á sínum tíma). Fasistar eru því mikið í því að vernda fólk fyrir sjálfu sér og löggæslan er aðallega á svona míkrólevel að bösta mígara og þess háttar. Hins vegar hafa þeir alltaf minni áhuga á að hreyfa við kostendum sínum. Öll löggæsla hvað fjármálaumsvif og markaði snertir er því mest gluggaskreytingar. Það eru einhverjir þægir leppar settir í að hunsa málin og í versta falli að láta þau fyrnast. Þetta kostar náttúrlega og hafi einhverjar deildir fjármálakerfisins vanrækt að borga verndarpeninga þá getur það kostað að skattgreiðendur þurfi að borga silljónir fyrir atvinnuskapandi en að öðru leyti tilgangslausan málarekstur. Þannig er nú lýðræðið. Það má alltaf einhvern veginn skapa verkefni, það er í rauninni sama hvað kemur upp á peningnum í því tilliti.

[Baldur Fjölnisson, 9.1.2008 kl. 13:15]

Þá hafið þið það; Dabbi var grenjandi út af Kidda olíuræningja. Datt mér ekki drulla í hug. Maðurinn er álíka fyrirsjáanlegur og húsfluga.

[Sveinn hinn Ungi (IP-tala skráð) 9.1.2008 kl. 14:49]

Ekki vissi ég að þú yrðir svona sannspár og að þetta myndi rætast strax. Það gráta nú ekki allir yfir þessu. Helst Dabbi og svo mógúlarnir sjálfir.

Úr því að margir voru orðnir tæpir fyrir, þá þola þeir ekki rothöggið í dag, 9. jan.

[Baldur Fjölnisson, 9.1.2008 kl. 16:07]

Þetta er hrun.

Úrvalsvísitalan hefur fallið um rúmlega 40% síðan hún toppaði í sumar sem leið.