Bjarnarmarkaður framundan ?

Úrvalsvístalan er núna 30% niður frá toppnum í sumar og nái hún sér ekki upp úr því á næstu vikum eða lækki enn frekar má búast við að hún sé komin á bjarnarstigið. Erlendis eru stórar bankasamsteypur að því er virðist að gufa upp vegna ónýtra inneigna og ekki er ósennilegt að eitthvað svipað sé uppi á teningnum hér á landi. Hvað sem því líður þá mun alþjóðavæðingin margumtalaða tryggja að fjármálakerfi heimsins hrynji allt í einu lagi þegar og ef að því kemur.

Hlutabréf lækka í Kauphöll

Athugasemdir

[Gullvagninn (IP-tala skráð) 17.12.2007 kl. 18:54]

Sennilega er björn í bólinu, ekki tel ég allavega að ameríkumarkaðurinn muni sprauta bjartsýni og nautslegri gleði í brjóst uppa-grúppanna.  Úrtalsvísitalan gæti lækkað og Fjárfestingafélagið Feigur orðið réttnefni.

[Baldur Fjölnisson, 17.12.2007 kl. 19:07]

Það er nú engin spurning að tiltrú almennings á öllu þessu keðjubréfafári sem fjármálakerfi heimsins er, hefur verið að hrynja. En trúnaður innan fjármálakerfisins sjálfs er líka að bresta vegna þess að þar hafa menn verið að selja hver öðrum ónýtar inneignir. Og þar sem snar þáttur í bankastarfsemi nútímans er lánveitingar banka á milli og markaðurinn (og þá á ég við þann alþjóðlega) veit að eitthvað af þessu batteríi er tæknilega gjaldþrota þá megum við búast áfram við miklum óróa.

[Sveinn hinn Ungi (IP-tala skráð) 18.12.2007 kl. 17:14]

Reyndar var markaðurinn ennþá óeðlilegri þegar hann var að fara upp, t.d. úr 6500 í 9000 á örfáum mánuðum eftir stanslausar hækkanir í mörg ár. Yrði ekki hissa þó hann færi 30% meira niður, svona á næstu 2 árum. Þá verður svolítil hreinsun. Annars eru bankar að spretta upp eins og vídeóleigur gerðu hér í denn. Enn einn banki opnar um áramótin.