Ráðist á Pólverja vegna banaslyss

Í fyrrakvöldi réðst hópur Íslendinga á fjóra Pólverja fyrir utan Sparisjóð Suðurnesja. Samkvæmt heimildum DV fóru þar fremstir í flokki meðlimir í félagi sem kallar sig ÍFÍ, eða Ísland fyrir Íslendinga. Þeir voru fimmtán til tuttugu talsins gegn fjórum Pólverjum sem höfðu ekki unnið sér neitt til saka. Þetta kemur upp skömmu eftir að greint var frá því að pólskur karlmaður væri í haldi lögreglunnar grunaður um að hafa ekið á ungan dreng í bænum með þeim afleiðingum að drengurinn lést.

Samkvæmt því sem kemur fram í DV í dag hefur félagið farið ört vaxandi undanfarin ár. Margir bílar á Suðurnesjum eru með límmiðum á rúðum með skammstöfuninni. Nánar má lesa um málið í DV í dag.


Róbert Hlynur Baldursson - [e-mail] http://www.dv.is/frettir/lesa/3005

Athugasemdir

[Elvar Atli Konráðsson, 6.12.2007 kl. 15:37]

Þetta þarf ekki að koma á óvart, ég hef oft talað um að þegar það fer að kreppa að hér í sambandi við vinnu þá fer þetta fyrst að verða vandamál, alveg eins og á hinum norðurlöndunum því miður.

[Baldur Fjölnisson, 6.12.2007 kl. 15:49]

Já, þetta er afar fyrirsjáanlegt en því miður bannar pólitíska rétttrúnaðarkirkjan alla umræðu um það.

[Baldur Fjölnisson, 6.12.2007 kl. 22:02]

Þetta er enn verra en þið haldið því saklausir eru líka hengdir í leiðinni eins og venjulega og sonur Pólverjans er tekinn í gegn í skólanum.

[Anna Benkovic Mikaelsdóttir, 6.12.2007 kl. 23:48]

er þetta ekki slagorð Jóns í FF?

[Sveinn hinn Ungi (IP-tala skráð) 7.12.2007 kl. 13:54]

Þetta mál er sannarlega dapurlegt, sérstaklega fyrir foreldrana, en sá sem olli þessu mun burðast með þetta í huga sínum það sem eftir er, þó að um slys sé að ræða. En annað varðandi alla þessa innflytjendur, er ekki lágmarkið að þeir fái viðunandi húsnæði? Þeir eru tugum saman í iðnaðar plássum og jafnvel hesthúsum. Maður bíður eftir þeirri frétt að sumir búi í holræsum borgarinnar. Einn bjó víst lengi í hitaveitustokk.