Hagkerfið er rekið á yfirdrætti

Erlendar skammtímaskuldir þjóðarbúsins eru eitthvað um 1500 milljarðar króna sem er meira en verg þjóðarframleiðsla. Þetta fjármagn getur horfið aftur til síns heima þá og þegar sem myndi þýða algjört hrun krónunnar þar sem varnir hennar eru í raun engar. Seðlabankinn er með gjaldeyrisvarasjóð upp á tíunda hluta erlendu skammtímaskuldanna og hefur ekki önnur úrræði en að hækka stýrivexti sína - sem aftur veldur hækkun vaxta innanlands. Þetta er vonlaus vítahringur sem hlýtur að bresta með brauki og bramli fyrr eða síðar.

Hafa misst trúna á Íslandi

Athugasemdir

[Sveinn hinn Ungi (IP-tala skráð) 26.11.2007 kl. 17:15]

Líklega er þetta staðreyndin eins og þú lýsir þessu, og allt of seint að gera nokkuð úr þessu. Danirnir mæla með enn meiri stýrivaxtahækkun, en þeir þekkja ekki þetta sér-íslenska verðtrygginga kerfi og halda að stýrivextir virki beint á eyðslu heimilanna eins og hjá öðrum þjóðum og seðlabankafíflin halda það einnig.

[Baldur Fjölnisson, 26.11.2007 kl. 20:02]

Við getum ekki varið eigin gjaldmiðil, sem að sjálfsögðu þýðir að við erum fallít. Sem aftur þýðir að aðrir munu innlima okkur. Sem enn aftur skýrir hvers vegna auðstýrðir jólasveinar á borð við Davíð Oddsson og Geir Haarde eru í seðlabankanum og forsætisráðuneytinu. Den mere kloge narrer altid den mindre kloge.

[Villi Asgeirsson, 26.11.2007 kl. 20:54]

Kemur þetta einhverjum á óvart? Kaupir einhver eitthvað fyrir eigið fé? Er ekki allt á lánum, kortum, yfirdrætti? Það má kannski byggja nýtt álver. Það reddar málunum. Pössum okkur bara að lána það sem til þarf í dollurum.