Fjármálakerfi sem sjálft er án trúverðugleika er hætt að taka mark á seðlabönkum.

Sl. viku hafa seðlabankar heimsins mokað eitthvað 600-700 milljörðum dollara í löngu gjaldþrota alþjóðlegt fjármálakerfi en ekki virðist það hafa mikið að segja. Eins og áður hefur komið fram hér á blogginu þá tryggir þetta ævintýralega kerfi sjálft sig gegn hruni með hreint stjarnfræðilegum afleiðusamningum sem eru líklega upp á um eða yfir eina quadrillion dollara (20 sinnum meira en árleg verg heimsframleiðsla). Þetta er ótrúleg skuldavitleysa og hún var vonlaus orðin fyrir áratug og er núna sem sagt óviðráðanleg með öllu. Að sjálfsögðu er eina lausnin á vonlausu skuldafargani óðaverðbólga (landinn þekkir það) og hana munum við sjá. Ásamt að sjálfsögðu stríðum til að draga athyglina frá meðvituðu og skipulögðu efnahagshruni.