Hrun á bandar. húsnæðis- og hlutabréfamarkaði

Í gær gufaði bandar. fasteignalánafélagið American Home Mortgages upp þar sem það fær ekki lengur fé til að standa við skuldbindingar sínar. Verð hluts féll úr tíu dollurum í einn. Fyrir um ári stóð hluturinn í 30-40 dollurum. Fleiri fasteignalánafélög eiga í miklum erfiðleikum.

Seðlabankar heimsins með þann bandaríska í fararbroddi hafa staðið fyrir gífurlegri peningaprentunarveislu (skuldaframleiðslu) síðustu árin sem hefur valdið óðaverðbólgu í pappírum og húseignum. Núna er þetta að ganga til baka og þar sem eignaverðbólgan hefur sem sagt verið fjármögnuð með lánum springur hún eins og sápukúla þegar hægir á lánaframboðinu. Vextir eru líka á hraðri uppleið um allan heim enda farið að reikna inn áhættupremíu vegna vafasamra útlána.

Árið 1928 fóru bandar. bísnessmenn að taka eftir útlánatregðu hjá bönkum eftir gífurlega útlánaveislu sem skapaði hlutabréfabólu. Ári seinna hrundi svo markaðurinn og heimskreppan mikla tók við.  

Athugasemdir

[Tryggvi Hjaltason, 2.8.2007 kl. 06:38]

Þetta er skuggalegt ástand, spurning hvert þetta tekur okkur!

[Ólafur Þórðarson, 2.8.2007 kl. 12:58]

Fjármálahæpfréttir eru orðnar þreyttar.

Mín vegna má húsnæðisverð lækka um helming.

[feu (IP-tala skráð) 2.8.2007 kl. 13:29]

Gott að þú ert búinn að finna þér heimili á vefnum.. verð nú bara að segja það!