Rómarveldi hið nýja (fjórða ríkið) í ljósi sögu rómversku kirkjunnar, 1. hluti.

Rómversk kaþólska kirkjan er pólitísk stofnun ekki síður en trúarleg. Vald hennar er bæði andlegt og veraldlegt og hún skaffaði sjálfri sér það upphaflega með fölsunum og lygum - raunar stórkostlegasta svindli allra tíma. Kjarninn í þessu er sú hugmynd að Kristur sé konungur allrar jarðarinnar: konungur konunganna. Eftir að hann var krossfestur, reis upp frá dauðum og fór til föðurhúsanna uppi í loftinu vildu páfarnir sem sagt meina að hann hefði framselt vald sitt Lykla Pétri og hann hefði í raun verið fyrsti páfinn. Síðan var spunnið út frá þessu og snúið út úr og falsað og logið og svo framvegis. Þessi átrúnaður einkenndist snemma af skurðgoða- og dýrlingadýrkun og aðgöngumiðasölu í himnaríki og gífurlegri fjárplógsstarfsemi í kringum það. Þessi mafía spilaði á fáfróðan og hjátrúarfullan lýðinn að vild, þar á meðal kónga og hertoga og hvers konar pótintáta. Kirkjan komst þannig snemma yfir gífurlegar eignir og heilu landssvæðin þar á meðal með manni og mús. En á 7. og 8. öld dundi ógæfan yfir því múslimar sölsuðu undir sig Norður Afríku og megnið af Spáni og miklar eignir kirkjunnar þar. Einnig sóttu Langbarðar og aðrir í eignir hennar á Ítalíuskaganum. Páfastóll leitaði þá til Pippins Frankakóngs um aðstoð gegn þessarri átroðslu og hnykktu á um það með því að framvísa bréfi frá sjálfum Lykla Pétri þar sem skorað var á kónginn að verða við þessarri beiðni ! Kóngsi var að vonum hissa og vildi vita hvernig bréfið hefði komist til jarðarinnar og var honum tjáð að Pési hefði sjálfur mætt með það í Páfagarð. Þetta var forláta kálfsskinn og ritað á það með skíra gulli en kóngurinn var ólæs og sendiboði páfa las því boðskapinn fyrir hann. 

Þetta virkaði fínt og Peppin stuggaði Langbörðunum frá lendum páfa og mokaði í hann fé og löndum þar á ofan.

Nokkru síðar fabrikkuðu þessir glæponar síðan "gjafabréf" frá sjálfum Konstantínusi þar sem hann átti að hafa afsalað gervöllu Rómarríki til páfastóls og þar með talið eyjar allar ma. vestan við ríkið. Þetta var síðan teygt og togað og beitt hótunum og undirferli og mútum til að gera svo til gjörvalla Evrópu að leppveldum páfastóls og að sjálfsögðu pápísku að ríkistrú.

Þrátt fyrir að margir hafi snemma gert sér grein fyrir að gjafabréfið var falsað og sumir meira að segja þorað að deila á það (þar sem vald páfans var algjört skv. hans eigin úrskurði gat verið beinlínis lífshættulegt að setja sig upp á móti honum) gekk þetta svindl allt til landafundanna í nýja heiminum þar sem páfinn hreinlega gaf Spáni og Portúgal latnesku Ameríku ásamt tilheyrandi trúboði.

Stjórnmálaleg- og félagsleg þróun á miðöldum byggðist þar með fyrst og fremst á grundvallarfölsunum og lygum og óhugguleg saga hryðjuverka og fjöldamorða er í stíl við það. 

Athugasemdir

[Baldur Fjölnisson, 18.7.2007 kl. 15:43]

Eftir að Pippin hafði síðan safnast til feðra sinna dró páfinn upp úr hatti sínum falsað "gjafabréf" frá hinum látna konungi þar sem lýst var á heldur upphafinni latínu uppdiktuðum viðskiptum Pippins og páfans þar sem hinum síðarnefnda var lýst sem "arftaka lyklavarðar himnaríkis, hins blessaða Péturs" og í raun gefin gjörvöll Ítalía. Karlamagnús, sonur Pippins, var síðan krýndur af páfa keisari hins heilaga rómverska ríkis árið 800. Þar með höfðu ríki og kirkja endanlega runnið saman í eina herlega afar fasíska einingu. Keisarinn viðurkenndi páfann sem sinn yfirmann og rómverska heimsveldið hafði verið endurvakið.

[Baldur Fjölnisson, 18.7.2007 kl. 17:26]

Páfinn styrkti síðan enn vald sitt með stórum fölsuðum tilskipanabálki um 850 sem kenndur var við Ísidór biskup. Spilling og óþverri þessarrar lygasjúku og gjörspilltu fasísku maskínu náði síðan hámarki á 10. öld í klámveldinu svokallaða (Pornocracy, þið getið flett því upp td. á Wikipedia, einnig kallað hóruveldið) en þar sem börn og óharnaðir unglingar gætu verið meðal lesenda hér vil ég ekki lýsa súrrealísku framferði páfamafíunnar á þessum tíma. En svona var nú sem sagt undirstaða þjóðfélagslegrar og stjórnmálalegrar þróunar Evrópu á miðöldum og eimir sjálfsagt talsvert eftir af því enn.

[Baldur Fjölnisson, 18.7.2007 kl. 23:05]

OK, nú hefurðu lært meira á tíu mínútum en á tíu árum í gagnslausri sögukennslu. Vonandi.

Fortíðin leiðir til nútímans. Við höfum stofnanir. Þær móta stefnu, aðallega í hag þeim sem fjármagna téðar stofnanir. Stofanairnar of þeirra stefna lifa gegnum aldirnar þrátt fyrir að mönnum sé skipt út og þeir deyi. Stefnan lifir. Ekkert er nýtt undir sólinni. Mannskepnan er í eðli sínu óstýrilát. Þess vegna þarf róttæk stjórntæki. Allir óttast dauðann. Óttinn verður því stjórtæki. Þetta er elementarí.  

[Upprétti Apinn, 20.7.2007 kl. 14:42]

Það má kannski bæta við þetta að Kaþólska kirkjan hafði lítið að gera með Jesús og hanns fylgjendur.  Fylgjendur Jesús eftir dauða hans töldu sig gyðinga.  Páll, sá sem í raun stofnaði þessa kirkju reyndi með ýmsum ráðum að fá stuðning frá áhángendunum, sem bjuggu í Jerúsalem (og er í dag kölluð Jerúsalem Kirkjan).  Jerúsalem gyðingarnir voru andsnúnir þessum nýju trúarbrögðum, en Páll bjó þá til sögu um að Jesú hafi komið til sín og falið umsjá trúarinnar.

Jerúsalem kirkjan hvarf síðan á tímum uppreysnarinnar í Ísrael og eftirfylgjandi þjóðarhreynsun Rómverja á svæðinu.

[Baldur Fjölnisson, 23.7.2007 kl. 12:56]

Hún úrskurðaði þennan Jesús í guðatölu og mömmu hans líka. Hins vegar er ekkert sem bendir til þess að þetta fólk (guðir skv. úrskurði) hafi verið til sem slíkt. Allt þetta ævintýri er þjófstolið og stælt frá öðrum trúarbrögðum, td. er ekki svo mikið sem ein frumleg setning höfð eftir hinum fræga Jesúsi, ævisögu hefur hann enga (öfugt við önnur stórmenni sögunnar) engin lýsing er til á honum og ekkert er minnst á stórkostleg afrek hans svo sem að ganga á vatni, vekja fólk upp frá dauðum, breyta vatni í vín, í samtíma heimildum. Þetta er tóm della frá rótum og byggist á lygum og fölsunum í ætt við það sem ég lýsti hér að ofan.

[Gústaf Níelsson, 25.7.2007 kl. 02:12]

Maður er eiginlega gapandi yfir hinum mikla fróðleik þínum. Lygar og falsanir eru að vísu vandmeðfarin fyrirbæri (orðin eru þér töm),en þú gerir þetta skratti vel. Og "Upprétti apinn" er beinlínis að slá í gegn. Sögubækurnar liggja svo opnar fyrir honum að maður fer bara hjá sér. 

[Baldur Fjölnisson, 25.7.2007 kl. 13:28]

Festa fingur á málefninu. Innihaldslausir fýlupúkar eru beðnir að vera annars staðar.