Jákvætt, en heldur seint

Það er ýmislegt sem bendir til þess að alþjóðlegar fjármálastofnanir fari að draga verulega úr útlánum og innkalla lán. Húsnæðisbólan í BNA hefur greinilega verið að springa og hvarvetna eru vextir að hækka enda allsendis óraunhæfir bæði með tilliti til óhuggulegrar peningaframleiðslu sem hefur verið í gangi (útþynning gjaldmiðla = verðbólga) og almennrar áhættu í útlánum. Alþjóðlegu bankakerfi er haldið á floti með ævintýralegum fjármálainstrúmentum og kerfið tryggir í raun sjálft sig gegn hruni ! Hversu lengi það heldur verður að koma í ljós.

Núna á dögunum barst skelfingarboðskapur frá BIS (eins konar yfirseðlabanka heimsins) sem ég hvet alla markaðsmenn til að kynna sér. Þeir segja að hætta sé á heimskreppu. Þá stofnun ber að taka alvarlega og ég held að við munum sjá hér  heima frekari tilraunir til að reyna að hemja eignabólur. Þær springa jú á endanum og stundum með miklu braki og brestum.  

Jóhanna Sigurðardóttir: „Mikilvæg skilaboð út á markaðinn"