Fleiri skólareyfarar botnskraps íhaldsins vafalaust á leið í rannsókn

20. okt. 2010 - 18:00

Gáttaður á kerfinu: Samningur eins og reyfari, svo frjálslega var farið með fjármuni skattborgara

Framkvæmd á samningi ríkisins við Menntaskólann Hraðbraut hefur á sér yfirbragð reyfara, svo frjálslega er þar farið með fjármuni skattborgaranna, segir formaður menntamálanefndar Alþingis. Hann segir að full vitneskja virðist hafa verið í ráðuneytinu  um þessar ofgreiðslur en ráðuneytið gerði hins vegar ekki kröfur um endurgreiðslur.Menntaskólinn Hraðbraut

Skúli Helgason, þingmaður Samfylkingarinnar og formaður menntamálanefndar, segir í nýjasta Pressupennapistli sínum að skýrsla Ríkisendurskoðunar um framkvæmd þjónustusamnings við Menntaskólann Hraðbraut hafi á sér yfirbragð reyfara, svo frjálslega sé þar farið með fjármuni skattborgaranna.  

Hann bendir á að ríkið hafi gert samning við Hraðbraut þar sem uppgjör á nemendafjöldi fari fram árlega.

Þetta ákvæði samningsins var þverbrotið, því slíkt uppgjör fór aldrei fram á árunum 2003 til 2009 með þeim afleiðingum að skólinn fékk ítrekað ofgreidd framlög fyrir nemendaígildi.  Öll þessi ár utan eitt reyndust mun færri nemendur stunda nám við skólann en áætlanir gerðu ráð fyrir og munaði þar 396 nemendum.   Aldrei var leiðrétt fyrir þennan mismun og fékk skólinn því ofgreiddar ríflega 160 milljónir króna.  Það merkilega er að full vitneskja virðist hafa verið í ráðuneytinu og hjá stjórnendum skólans um þessar ofgreiðslur en ráðuneytið gerði hins vegar ekki kröfur um endurgreiðslur þessara framlaga vegna áranna 2004-2006 og stjórnendur skólans gerðu heldur ekki tilraun til að efna 5. grein samningsins. 

Segir Skúli að öll árin hafi skólinn verið gerður upp með nokkrum afgangi, eða samtals 86,4 milljónum króna.  Nær allur þessi afgangur hafi greiddur til eigenda sem arður eða 82 milljónir.  Hins vegar hafi öllum átt vera ljóst að skólinn var í raun rekinn með tapi og því fullkomlega óeðlilegt að greiða eigendum arð.

Það kom fram á fundi menntamálanefndar í gær að eigendur og stjórnendur Hraðbrautar hafa gert ráðuneytinu tilboð um að skuldin verði greidd að fullu en það verði tengt endurnýjun á þjónustusamningi við skólann.  Auðvitað er það lágmarkskrafa að öll ofgreidd framlög verði endurgreidd og stjórnendur skólans þurfa sömuleiðis að gera hreint fyrir sínum dyrum varðandi fyrrnefndar arðgreiðslur og lánafyrirgreiðslu.   Það er hins vegar allt annað mál hvort þjónustusamningur við skólann verður endurskoðaður í ljósi fenginnar reynslu.  Þar hljóta fjárhagsmálefni skólans að koma til skoðunar auk faglegs mats á starfi skólans og því hve vel hefur gengið að fullnægja þeim markmiðum sem lagt var upp með við stofnun hans. 

Pressupennapistil Skúla má lesa í heild HÉR.

http://www.pressan.is/Frettir/LesaFrett/gattadur-a-kerfinu-samningurinn-eins-og-reyfari-svo-frjalslega-farid-med-fe-skattborgara

Athugasemdir

[Vendetta, 21.10.2010 kl. 15:57]

Já, þetta verður heldur ekki síðasta spillingarhneykslið sem verður sópað undir teppið í boði duglausra embættismanna.