Íhaldið: Reynt að smúla út amk. versta hórudraslinu

Innlent 18:47 › 26. júní 2010

Landsfundur Sjálfstæðisflokksins samþykkti rétt fyrir fundarlok skýra kröfu um að aðildarumsókn að ESB yrði dregin til baka. Samkvæmt RÚV hafa um 1000 sjálfstæðismenn setið landsfund flokksins í Laugardalshöll í gær og í dag, en það eru mun færri en á landsfundinum í fyrra.

Hjá RÚV kemur fram að helstu umræðuefni fundarins hafi verið innri mál flokksins, styrkjamálin og aðildarumsókn Íslands að Evrópusambandinu. Þá var mikil spenna á fundinum þegar tillaga Halldórs Gunnarssonar í Holti var samþykkt, um að skora á forystu og þingmenn að íhuga stöðu sína með tilliti til fylgis flokksins.

Þá var samþykkt að styrkþegar flokksins ættu að sýna ábyrgð sína með því að segja af sér en Halldór nafngreindi sérstaklega Guðlaug Þór Þórðarson og Gísla Martein Baldursson. Megintilgangur fundarins var að kjósa formann og varaformann. Pétur H. Blöndal gaf óvænt kost á sér í formennsku í morgun en Bjarni Benediktsson sóttist eftir endurkjöri sem hann fékk með 62 prósent atkvæða.

Ólöf Nordal, Lára Óskarsdóttir og Steinunn Ruth Stefnisdóttir gáfu kost á sér til varaformanns og vann Ólöf sigur með 70 prósent atkvæða.

Ritstjórn DV ([e-mail])

dv.is
FB.init("c057634ab13809ccd6de8565e5df84ab", "/xd_receiver.html");