Hóruræðið á litlu Sikiley, frh.

Magma Energy fær samtals 14,7 milljarða króna að láni frá opinberum aðilum vegna kaupa á 98,53% hlutafjár í HS Orku. Þegar Geysir Green Energy (GGE) keypti stóran hlut í HS Orku af Reykjanesbæ fékk félagið seljendalán frá bæjarfélaginu. Nú þarf bæjarstjórn Reykjanesbæjar að taka afstöðu til þess hvort lánið verði framlengt til Magma Energy, en það hefur ekki verið gert formlega.

Morgunblaðið greindi frá því í gær að tæp 40% kaupverðs Magma Energy á hlut Geysis Green Energy fælust í yfirtöku á skuldabréfi sem gefið var út til Reykjanesbæjar. Sveitarfélagið sendi frá sér tilkynningu í kjölfarið þar sem meðal annars sagði að tilboðið yrði skoðað af bæjarstjórn, þar sem Magma Energy væri sterkari bakhjarl en GGE. Magma verður því að öllum líkindum endanlegur greiðandi skuldabréfsins, en ekki GGE, að því gefnu að Reykjanesbær geri ekki kröfu um að Magma greiði skuldabréfið upp við kaupin á hlutnum.

Þegar Orkuveita Reykjavíkur (OR) seldi ríflega 30% hlut í HS Orku til Magma Energy sl. haust voru um 70% greidd með skuldabréfi sem Magma gaf út til OR, eða um 8,4 milljarðar króna.

mbl.is

Athugasemdir

[Magnús Sigurðsson, 19.5.2010 kl. 09:48]

Þetta er auðskilið; Magma fær góssið frítt, Árni og félagar geta áfram borgað sér út á kostnað Reykjanesbæjar, almenningur borgar brúsann eða frýs úti.

[Baldur Fjölnisson, 21.5.2010 kl. 20:05]

Skuldsettur maður hefur náttúrlega tapað sjálfstæði sínu og er í sjálfu sér ekkert annað en hóra og svo verður það enn alvarlegra þegar þessar hórur eru komnar í æðstu stöður í fyrirtækjarekna hóruræðinu hérna á litlu Sikiley.

[Jenný Stefanía Jensdóttir, 21.5.2010 kl. 20:59]

"Þegar Orkuveita Reykjavíkur (OR) seldi ríflega 30% hlut í HS Orku til Magma Energy sl. haust voru um 70% greidd með skuldabréfi sem Magma gaf út til OR, eða um 8,4 milljarðar króna."

Það er líka athyglisvert að þessi skuldabréf upphaflega $70.269.955 sem tengd eru vísitölu álverðs og með 1.5% vöxtum, eru metin í ársreikningi MAGMA "fair value"  þann 31.mars 2010 á $ 50.969.000 sem reiknast í ISK ca 6.5 milljarða