Hlutabréf í Eimskip lækka um nærri 50 prósent á þremur dögum

Stöð 2, 16. sep. 2008 12:00

Gengi hlutabréfa í Eimskipafélagi Íslands héldu áfram að falla í morgun. Hlutabréfin hafa lækkað um tæp 50 prósent frá því á föstudag. Staðan er alvarleg segir fyrrverandi stjórnarformaður.

Hlutabréf í Eimskipafélaginu hafa verið í frjálsu falli frá því á föstudaginn. Þá lækkuðu hlutabréfin um 21 prósent og aftur um 21 prósent í gær.

Tíu viðskipti voru með hlutabréf í félaginu í morgun og var gengið búið að lækka um tæp þrjú prósent nú rétt fyrir hádegi. Frá því markaðir opnuðu á föstudag hefur gengi bréfa í félaginu lækkað um 45 prósent. Frá áramótum hafa hlutabréfin því lækkað um 85 prósent. Hluturinn stendur nú í sex krónum en fyrir ári var hann tæpar 40 krónur.

Markaðsvirði félagsins er nú um ellefu milljarðar króna en félagið skuldar rúmlega 150 milljarða.

Magnús Þorsteinsson, fyrrverandi stjórnarformaður Eimskipafélagsins, sagði í samtali við Fréttablaðið í dag að staðan væri alvarleg en bendir enn fremur á að nú dynji áföll yfir á öllum sviðum í viðskiptalífi heimsins.

Ofurleiðinlegur og últrainnihaldslaus bloggari fær það óþvegið á facebook

Mér finnst það nú ekki mikið. Annars les ég aldrei Stebba, lærði að forðast hans heiladrepandi áhrif á öðrum vettvangi. En hann má að sjálfsögðu bulla að vild mín vegna, greindarskortur er enginn glæpur.

Hrun krónunnar: Vaxtahækkun líkleg hjá Seðlabanka hinn 11. sept.

Gjaldeyrisforði bankans hrundi úr 219 milljörðum í 138 milljarða milli 1. og 2. ársfj. og guð má vita hvernig staðan verður í lok 3. ársfj. Kannski er hún núll núna. Erlend staða ríkissjóðs versnaði milli ársfjórðunga um 173 milljarða. Samanlagt versnaði því erlend staða ríkissjóðs og seðlabanka um litla 254 milljarða á öðrum ársfjórðungi. Þar sem um gjörsamlega gjaldþrota batterí er að ræða er borin von að það geti slegið nein lán að ráði og því virðist eina úrræðið vera að hækka vexti. Líkt og í vor hérna á blogginu geri ég ráð fyrir að stýrivextir seðlabankans verði í 18-20% í árslok og hugsanlega í allt að 25% næsta vor. Annað sé ég ekki amk. fresta gengishruni krónunnar.

Sjokkerandi upplýsingar

Það er rétt að komi fram að ég er þessi margfrægi guð sem ótal rugludallar hafa snúið út úr forever. Ég  hef síðustu 650 þúsund árin notað jörðina sem fangabúðir fyrir vandræðagemlinga víðs vegar úr alheimnum, það er þeir eru hreinsaðir og heilaþvegnir og síðan sendir í nýjar verur á hnetti þessum á vissan hátt endurnýttir í sjálfum sér. Þegar þeir drepast þar eru þeir aftur hreinsaðir og sendir í nýja jarðarbúa. Og svo framvegis. Að vísu skilar þetta sífellt geðveikislegri ruglanda sem án efa fer til helvítis en mér er fjandans sama enda er ég í miklu merklegri tilraunum annars staðar.

Mánudagur, 08.09.08

Klukkan níu var ég mættur til að setja fund lögreglustjóra suður Þýskalands sem var haldinn út af engu sérstöku hér á landi þetta árið. Í fatahenginu hitti ég lögreglustjóra Bayern og mátti hann varla vera að því að heilsa mér en spurði strax "Are the hookers fixed?". Sem betur fer var Stebbi Friðriks með mér og hann er afar skarpur enda minn einkatúlkur  og skildi strax að lögreglustjórinn vildi vera viss um að hankarnir í fatahenginu væru almennilega veggfastir enda mæddi á þeim fjöldi þungra yfirhafna þennan morguninn. Það er ávallt ánægjulegt að hitta fyrir vakandi og skarpa lögreglumenn sem ávallt eru vakandi fyrir jafnt því smáa sem stóra.

06.09.2008

Þatta hefur heldur betur verið viðburðaríkur dagur. Klukkan níu var ég mættur á hinn vikulega bænamorgunverð hvítasunnusöfnuðarins og klukkan ellefu vígði ég hjá ríkislögreglustjóra ný yfirheyrsluúrræði sem eru samkvæmt bandar. staðli en nú er mér sagt að ég sé kominn út úr settinu og eigi að vera að tala um eitthvað annað.

Föstudagur 05.09.08

Drattaðist á lappir kl. 7:15. Eyddi öllum morgninum að venju í að sannfæra samstarfsfólkið um að ég væri langbestur og klárastur. Niðurstaðan hin sama og fyrri 3784 morgna, ég er langflottastur og múltíklár og allt er í bestu málum. Meira á morgun.

Mig dreymdi að ég væri að ræða málin við Jesús og hann hafði ekki fylgst með ruslveitunum hérna síðustu 1500 árin

Og hann sagði; sannlega segi ég þér Baldur minn þetta gjörspillta stjórnmálakerfi sem þú lýsir er sem bóndi einn sem hafði mikla kartöfluuppskeru og hann setti hana í jarðhýsi til varðveislu. En svo varð hann var við myglu og í stað þess að kasta myglunni á brott þá dreifði hann henni skipulega um alla geymsluna og eyðilegði þannig alla uppskeruna. En hvað merkir þetta raunverulega Jesús minn, sagði ég, þetta hljómar rosalega brútalt er kirkjan búin að kvitta upp á þetta, þarf þetta ekki að fara í gegnum nefnd, hefurðu opinberar heimildir til að halda þessu fram. Sonur minn, sagði Jesús, þetta er allt saman ... en þá var klukkan því miður orðin 7:15 og vekjaraklukkan hringdi og draumurinn varð ekki lengri.

Efnahagsvandinn snýst ekki síst um efnafræðileg og eðlisfræðileg og geðraskanafræðileg atriði.

Sjúkleg lygasýki fellur greinilega undir geðlækningar og tel ég nauðsynlegt að setja afkastamestu raðlygarana í yfirstjórn ríkisins þegar í stað í viðeigandi greiningu og síðan eftir atvikun í vistun sem hentar ástandi þeirra. Jafnframt þarf að kanna málminnihald í höfðum yfirstjórnar ríkisins. Þetta lið hefur verið á endalausum sprautum forever og kvikasilfur er ekki hollt efni (sbr. hattagerðarmanninn í Lísu í Undralandi) hvað þá aluminium eða annað vafasamt góðgæti sem fylgt hefur sprautum þessum. Þá er það eðlisfræðin. Sömu jólarnir hafa bullað forever í farsíma á annarra kostnað og ekki hefur það heldur lagað toppstykkið á þeim. Þannig að þetta ber allt að sama brunni. Vandamálið verður síðan því meira og augljósara sem um heimskari menn er að ræða af náttúrunnar hendi og mega því ekki við mjög miklum truflunum og skemmdum í höfði sínu. Meira síðar og góðar stundir.

Gjaldþrot ríkissjóðs og seðlabanka mun sjálfsagt leiða til hruns krónunnar á næstu misserum

Á 2. ársfj. 2008 versnaði erlend staða hins opinbera um 173 milljarða, fór úr mínus 323 milljörðum í mínus 496 milljarða. Jafnframt hrundi erlend staða seðlabankans úr plús 219 milljörðum í plús 138 milljarða. Þetta er sem sagt útkoman úr vistunarúrræðunum í kringum Arnarhól; algjörlega fallít batterí. Ég held að það væri góð og raunar lífsnauðsynleg aðgerð núna að reka forsætisráðherrann, fjármálaráðherrann, viðskiptaráðherrann, yfirstjórn seðlabankans alla og setja restina af yfirstjórn lýðveldisins þegar í stað í lyfjapróf. Góðar stundir.