Bloggarinn Bjöggi eys úr skálum visku sinnar 5. sept. 2008, þremur vikum áður en hann þjóðnýtti Glitni

Ljóti helv. fábjáninn. Ekki er kyn þó keraldið leki þegar einhverjir ruglustrumpar hleypa þessu alla leið í ráðherraembætti. Hvernig skyldi restin af þessu ráðherradóti koma út við gagngera skoðun. En þetta skrifaði sem sagt Bjöggi litli hinn 5. sept. sl.:

“Þegar KB banki opnaði útibú í Lúxemborg fyrir nokkrum árum óraði líklega engan fyrir því hve vel íslensku fjármálafyrirtækjunum ætti eftir að ganga við að hasla sér völl á erlendri grundu. Ævintýralega vel er kannski rétta orðið yfir það.

Kjarkur, þor og góð þekking íslensku útrásarmannanna skilaði meiri árangri hraðar við fjárfestingar erlendis en hægt var að sjá fyrir og víkingurinn hefur vakið athygli á alþjóðavísu. Ekki síst þegar lagt er saman við aðra útrás Íslendinga erlendis í verslun, iðnaði og þjónustu ýmiskonar.

Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma.

Í árslok 2006 má ætla að hlutdeild fjármálafyrirtækja hafi numið um 10% af landsframleiðslu og verðmæti útflutnings þekkingar og þjónustu um 60 milljörðum. Í fyrra komu 52% af tekjum viðskiptabankanna erlendis frá og þótt erlendar tekjur vátryggingafélaga séu enn ekki svipur hjá sjón miðað við viðskiptabankanna stefnir þróunin þar í sömu átt. Þessar staðreyndir sýna svo ekki verður um villst að útrás fjármálageirans hefur orðið afgerandi þýðingu í okkar efnahagslífi.

Íslensku bankarnir hafa sums staðar sætt nokkurri gagnrýni undanfarið erlendis. Sérstaklega fyrir að vera ekki nógu burðugir og um of háðir skammtímafjármögnun. Um forsendur gagnrýninnar sem skapaðist vorið 2006 hefur verið fjallað um rækilega, meðal annars af Fredirik Mishkin og Tryggva Þór Herbertssyni. Niðurstaðan er sú að gagnrýnin var að verulegu leiti tilhæfulaus. Hinsvegar var ljóst að bankarnir þyrftu að fjármagna sig betur og til lengri tíma og að koma þyrfti betur á framfæri upplýsingum um rekstur þeirra.”

 

Athugasemdir

[DoctorE (IP-tala skráð) 25.1.2009 kl. 18:40]

Kjarkur,þor og þekking???? More like: Slef, hor og blekking, meira að segja sjálfsblekking.
Það er jú þannig að þegar menn eru brjálaðir þá vita þeir það ekki sjálfir

[Baldur Fjölnisson, 25.1.2009 kl. 19:20]

Og skilja síst af öllu lögmálið "garbage in, garbage out". Þeir fá snyrtilega samdar skýrslur og uppgjör frá bönkunum sem sýna glæsta stöðu og gleypa það alveg hrátt. Sama gera vitleysingar í stíl við þá sjálfa sem þeir hafa sett í "eftirlit" með fjármálakerfinu. Þetta brjálæðislega kerfi hins opinbera hefur greinilega verið skipulega mannað af undirmálsstaffi upp úr og niður úr til að feila og þarf að fara í allsherjarrannsókn. Sjálfsagt ræður aðeins aumingjagæska því að Interpol hefur ekki enn gefið út alþjóðlega handtökuskipun á ráðamenn og fjármálagúrúa hér á landi.

[ceres, 25.1.2009 kl. 23:00]

Takk fyrir goda pistil Baldur thad er timi tilkomin ad folk fari ad vakna upp og nu byrja rada menn ad skjalva björgvin hevur nu thvi midur illkinjad aexli i sinni samvisku han er nu ad flita ser eitthvert nordur eftir og tha serstaklega nidur eftir